Германия терма жамоаси яримҳимоячиси Андре Шюрле немис матбуотига берган интервьюсида Италия термасида Пирлони ажратиб кўрсатди.
Эслатиб ўтамиз, бу терма жамоалар Европа чемпионати ярим финалида дуч келадилар.
"Биз Пирлонинг қандай юқори маҳоратга эга эканлигини биламиз. У ҳар қандай тўпни хавфли тўпга айлантириши мумкин. Унинг узатмалар жуда аниқ, ўйинни яхши ўқийди ва майдондаги вазиятни яхши баҳолай олади. Биз уни мунтазам босим остида ушлашимиз керак, энг яхшиси - уни тўпсиз қолдиришимиз керак. Унга ҳар қандай ҳолатда ҳам очиқ ҳудудларни бериб қўймаслик керак", - деди Шюрле.
