Криштиану Роналду янги мавсумда ҳамон гол ура олмади.

Европа лигасида "Реал Сосьедад" билан ўйин (0:1) "Манчестер Юнайтед" ҳужумчиси учун еттинчи ўйин бўлди. У 90 дақиқани майдонда ўтказди.

37 ёшли футболчи дарвозага 4 та зарба йўллади, улардан иккитасига ҳимоячилар тўсиқ бўлди, яна иккитаси дарвозабонгача аниқ етибборди. Шунингдек, у 21 та пас берди, улардан 19 таси аниқ.

Қайд этиш керакки, эпизодларнинг бирида Роналду “Сосьедад” дарвозасини ишғол қилганди, бироқ ҳакам Марко Ди Белло бу вазиятда офсайд ҳолатини қайд этди. Шунингдек, ҳужумчи 90-дақиқада жарима зарбасидан фойдалана олмади.

Роналду охирги марта 5 июнь куни - Португалия терма жамоаси сафида Швейцарияга қарши ўйинда самарали ҳаракат қилганди.