"ПСЖ" ҳужумчиси Килиан Мбаппе жамоадоши Неймар билан яқинда юзага келган можаро ҳақида гапирди. Футболчилар пенальти тепиш борасида жанжал қилишди – бразилиялик футболчига франциялик футболчининг жамоага тўлақонли пенальти тепувчиси сифатида тайинлангани ёқмади.
“Бизнинг муносабатларимиз доимо ҳурмат асосида қурилган. Аммо баъзида муносабатлар бироз совиган пайтлар бўлди. Баъзида биз яхши дўстдек туюламиз, баъзида эса умуман гаплашмаймиз. Бу бизнинг муносабатларимизнинг табиати. Лекин, ҳар ҳолда, орамизда катта ҳурмат бор”, - деди Мбаппе The Mirror нашрига.
Франция чемпионатининг олти тури якунларига кўра, парижликлар 16 очко билан турнир жадвалида биринчи ўринни эгаллаб турибди.
