"ПСЖ" ҳужумчиси Мауро Икарди Истанбулнинг "Галатасарой" клубига ижарага ўтгани ҳақида фикр билдирди.
“Мухлисларга шундай илиқ кутиб олишгани учун раҳмат айтаман. Мен жуда хурсанд бўлдим. Ёзда кўплаб таклифлар олдим, аммо "Галатасарой"ни танлаганимдан хурсандман. Бу клуб ҳар доим ўз олдига энг юқори мақсадларни қўяди. Мен жамоанинг бир қисми бўлганимдан хурсандман, унинг максимал даражага чиқишига ёрдам бермоқчиман", - деди Икарди турк гиганти матбуот хизматига.
Эслатиб ўтамиз, 29 ёшли ҳужумчининг турк клуби билан ижара шартномаси 2022/2023 йилги мавсум охиригача мўлжалланган.
