"ПСЖ" ҳужумчиси Килиан Мбаппе 2022 йилги Чемпионлар лигаси финалида "Бавария"дан учралган мағлубиятни фаолиятидаги энг ёмон лаҳза деб таърифлади. 23 ёшли франциялик футболчининг сўзларига кўра, ўйиндан кейин у ёлғиз қолиб, йиғлагиси келган.
"Фаолиятимдаги энг ёмон лаҳза Чемпионлар лигаси финалидаги мағлубият бўлди", - деган Мбаппе.
- Ўйин тугайди, сиз медал оласиз ва кубокни кўрасиз, лекин бу сиз учун эмаслигини биласиз. Бу ғалати туйғу, лекин ҳаёт шундай. Тўғрисини айтсам, ёлғиз қолиб, йиғлагим келди. Аммо бу менинг ҳикоямнинг бир қисми. У ерга қайтиб, ғалаба қозониш учун яхшиланиш керак."
Ҳужумчи жорий мавсум парижликлар сафида 5 та ўйинда майдонга тушиб, 7 та гол урди. Унинг клуб билан шартномаси 2025 йилнинг 30 июнига қадар амал қилади.
Лига 1нинг 6 туридан сўнг "ПСЖ" 16 очко жамғариб, турнир жадвалида 1-ўринда бормоқда.
Европа чемпионлар лигаси гуруҳ босқичининг 1-турида Париж клуби “Ювентус”ни мағлуб этди (2:1).
