"Барселона" "Манчестер Сити" ярим ҳимоячиси Бернарду Силвани сотиб олиш фикридан қайтгани йўқ.
Diario Sport хабарига кўра, ўтган ёзда Каталония клуби янги келганларни рўйхатга олиш билан боғлиқ муаммолар туфайли трансферни амалга ошира олмаган.
Қайд этилишича, "Манчестер Сити" португалиялик бўйича музокараларга тайёр эди, футболчининг ўзи эса "Барса"га ўтишни хоҳлаган — у уйига яқинроқ яшашни истамоқда.
Силва бутун ёз давомида "Барса" унга таклиф билан чиқишини сабр билан кутган ва клуб трансфер ойнаси охиригача у билан шартнома тузишни кечиктирганидан бироз ранжиган.
Хабарларга кўра, "Барса" клубда имконият бўлиши биланоқ Бернардуга трансфер таклифи билан чиқмоқчи. "Блауграна" келаси ёзда Силва билан шартнома имзолашни мақсад қилган.
"Барса" спорт раҳбарияти трансферни ташкил қилиш бўйича ишларнинг катта қисми аллақачон амалга оширилган деб ҳисобламоқда. Клуб Силванинг трансфери жамоани янада кучлироқ қилишига ишонмоқда.
Бернарду 2017 йилдан бери "шаҳарликлар" сафида ўйнаб келмоқда. Жорий мавсумда у клуб сафида барча турнирлар доирасида 8 та ўйинда майдонга тушиб, 2 та гол ва 2 та голли узатмага муаллифлик қилди.
