Мюнхеннинг “Бавария” клуби вингери Кингсли Коман машғулотларда мушакларидан жароҳат олди. Мюнхен клуби бош мураббийи Юлиан Нагельсманн матбуот анжуманида франциялик футболчига етказилган зарар жиддий бўлиши мумкинлигини истисно этмади.
“Кингсли Коман машғулотларда жароҳат олди. Унинг зарари яхши кўринмайди. Умид қиламанки, бу жиддий бўлмайди. Бошқа томондан, Жошуа Киммих "Штутгарт"га қарши ўйнашга тайёр бўлади", - деди Нагельсманн.
Бундеслигадаги учта ўйинда Коман битта гол ва иккита голли узатмани амалга оширди. Франциялик футболчи яқинда "Бавария" билан шартномасини 2027 йилгача узайтирди.
