"Наполи" спорт директори Криштиану Жиунтоли клуб "ПСЖ" дарвозабони Кейлор Навас билан шартнома имзоламаслигини айтди.
"Навас билан келишув "ПСЖ" ва футболчининг атрофидагилар ўртасида маош тўлаш бўйича келишув бўлмагани учун барбод бўлди: у солиқлар олдидан мавсумда 15 миллион евро олади. Биз январда Навас билан шартнома имзолашга уринмаймиз - ҳаммаси тугади", - деди Жиунтоли.
35 ёшли коста-рикалик футболчи ўтган мавсумда барча турнирларда 26 та ўйинда майдонга тушиб, 24 та гол ўтказиб юборган ва 10 та баҳсда ўз дарвозаси дахлсизлигини сақлаб қолган. Дарвозабоннинг "ПСЖ" билан амалдаги шартномаси 2024 йилнинг ёзига қадар тузилган.













