Аввалроқ, Англия Премьер-лигаси 7-тур ўйинлари бекор қилинганини расман эълон қилган бўлса, эндиликда чемпионатнинг саккизинчи тур ўйинлари ҳам бўлиб ўтмаслиги мумкинлиги ҳақида хабарлар тарқалмоқда. Бу ҳақда BBC хабар тарқатмоқда.
Иккала турнинг ҳам бекор қилинишига қиролича Елизавета IIнинг ўлими муносабати билан мотам сабаб бўлди.
Клублар аввалига Қатарда бўлиб ўтадиган Жаҳон чемпионати арафасида тиғиз тақвим туфайли 7-турни кейинга қолдиришни истамаган бўлса-да, кейин ўз фикридан қайтди. 8-тур ўйинларининг бошқа муддатга қолдирилгани ҳали расман тасдиқланмаган.
