“Наполи” ярим ҳимоячиси Хвича Кварацхелия Италия чемпионатининг август ойидаги энг яхши футболчиси деб топилди. Бу ҳақда А Серия матбуот хизмати хабар тарқатди.
Август ойида Хвича Кварацхелия Италия чемпионатида “Наполи” сафида тўртта ўйин ўтказди. Ярим ҳимоячи учта гол урди ва шеригига битта самарали узатма берди. Кварацхелия ҳужумда жуда кўп фойдали ҳаракатлар қилди ва Неаполда грузин аллақачон "Кварадона" деган номни олди.
“Наполи” Италия чемпионатининг навбатдаги учрашувини 10 сентябрь куни ўтказади. Лучано Спалетти шогирдлари “СпециЯ” билан тўқнаш келишади.
