Мадриднинг “Реал” клуби ярим ҳимоячиси Лука Модрич келажаги ҳақида фикр билдирди. Кеча, 9 сентябрь куни футболчи 37 ёшга тўлди.
“Менга ҳар қачонгидан ҳам кўпроқ ишим ёқади. Бу менинг ёшим билан боғлиқ - бундай йилларда юқори савияда чиқиш жуда қийин эканлигини биламан, шунинг учун менда бор нарсани қадрлайман.
Мендан сирим нима, деб сўрашади, лекин билмайман. Бу табиий равишда келади. Мен кунига 24 соат футбол билан яшайман ва бу жуда муҳим”, - дея Модрич сўзларини келтиради Marca.
Модрич жорий мавсумда "Реал" сафида Ла Лиганинг 4 та ўйинида гол урди ва голли узатмани амалга оширди. У испан клубида 2012 йилдан буён ўйнаб келмоқда, келишув 2023 йилнинг 30 июнига қадар амал қилади.
