"Рома" ярим ҳимоячиси Брайан Кристанте тез орада клуб билан янги шартнома имзолаши кутилмоқда. Журналист Николо Скиранинг хабар беришича, италиялик футболчи 2026 йилгача шартнома имзолайди ва йилига уч миллион евро маош олади.

Кристантенинг "Рома" билан амалдаги шартномаси 2024 йилгача мўлжалланган. Клуб ёздан бери футболчи билан шартномани узайтириш борасида музокара олиб бормоқда.

Кристанте ҳимоя марказида ҳам, ярим ҳимоянинг таянч зонасида ҳам ўйнай олади. Италиялик футболчи бир йил аввал терма жамоа таркибида Европа чемпионига айланганди.

Футболчи бир вақтлар “Рома”га 22 миллион еврога тушган.