Тите бошчилигидаги Бразилия терма жамоаси мураббийлар штаби ЖЧ-2022га тайёргарлик доирасида сентябрь ойидаги ўйинлар учун таркибни элон қилди.
Жорий мавсумда 3 та гол ва 3 та голли узатмани амалга оширган “Арсенал” ҳужумчиси Габриэл Жезус ва “Астон Вилла” ярим ҳимоячиси Филиппе Коутино терма жамоадан таклиф олмаган.
Бразилияликлар Францияда иккита ўртоқлик ўйини ўтказади: 23 сентябрда Гана билан, 27 сентябрда эса Тунис билан.
ЖЧ-2022 Қатарда 20 ноябрдан 18 декабрга қадар бўлиб ўтади. ЖЧ-2022'да Бразилия терма жамоаси G гуруҳида Сербия, Швейцария ва Камерун билан тўқнаш келади.
