"Аякс" Эдвин ван дер Сар билан шартномани 2025 йилгача узайтирди.
Собиқ дарвозабон 2012 йилдан буён клуб тизимида ишлаб келмоқда. 2016 йилнинг ноябрида ван дер Сар жамоа бош директори лавозимини эгаллади.
Расман келишувни узайтириш ноябрь ойида "Аякс" акциядорларининг умумий йиғилишидан сўнг тасдиқланади.
Амстердам клуби кетма-кет сўнгги 4 та Нидерландия чемпионлигини қўлга киритди.
2017 йилда “Аякс” Европа лигаси финалига, 2019 йилда эса Чемпионлар лигасининг ярим финалига қадар етиб борганди.