"Тоттенхэм" ҳужумчиси Сон Хён Мин ўзининг "голсиз серияси" ҳақида гапирди. Англия Премьер-лигасининг бу галги мавсумида кореялик футболчи ҳалигача гол ура олмади.
"Менда ажойиб имкониятлар бўлди, аммо тўп дарвозага киришни истамаяпти. Баъзан мен бундан жуда хафа бўламан. Мухлислар ва жамоа мени қўллаб-қувватламоқда. Мен фақат биринчи голни уришим керак, кейин ҳаммаси жойида бўлади. Буни бошлаш жуда муҳим", - деди футболчи Goal.com порталига.
Сон жорий мавсумда Премьер-лигада олтита ўйинда майдонга тушиб, битта голли узатмани амалга оширди.
Ўтган мавсумда ҳужумчи 35 ўйинда 23 та гол урган ва 7 та голли узатмани амалга оширган.
