Германия - Италия баҳсидан сўнг учрашувнинг энег яхши футболчиси деб топилган "мовий гвардиячилар" ярим ҳимоячиси Андреа Пирло ўз фикрларини билдириб ўтди.
"Биз ҳали ҳеч нима ютганимиз йўқ. Ғалаба қозонмасдан қайтиш, Римга келиб Папани кўрмай қайтиб кетишга ўхшайди. Испания терма жамоасига қарши қийин баҳс кутиб турганини тушуниб турибмиз. Агар ғалаба қозонишга имконият бўлишини ҳоҳласак, бугунги ва Англия терма жамоасига қарши ўйиндаги ғолиблик руҳи ва ҳоҳишини кўрсатишимиз шарт. 2006 йилги Жаҳон чемпионатидан сўнг бизда айнан ғолиблик руҳияти етишмаётгандек эди, чунки омадимиз ҳам келмаётган эди. Ҳозир эса биз финалдамиз.
Шунингдек, италиялик ярим ҳимоячи 2006 йилдаги муваффақият билан Европа чемпионати финалидаги ҳиссиётлар бир хил эканлигини таъкидлаб ўтди.
"Ҳиссиётлар камми ёки кўпми ўша-ўша. Ғалабага бўлган ҳоҳиш ҳам ундан кам эмас, айниқса 2006 йилда терма жамоада бўлмаган ёш футболчиларнинг ғалабага ҳоҳиши жудаям кучли."
