"Астон Вилла"нинг собиқ ҳужумчиси Габриэль Агбонлахор "Ливерпул"га ярим ҳимоячи сотиб олишни маслаҳат берди. У тез-тез жароҳат оладиган Наби Кейтани ўрнига бошқа футболчи харид қилишни таклиф қилмоқда, қўшимчасига, Агбонлахор ярим ҳимоячининг баъзи ўйин фазилатларидан қониқмаяпти.

"Унинг "Ливерпул"да узоқ муддатли келажаги бор деб ўйламайман.Унинг шартномаси тугашига кўп вақт қолмади. У майдонда етарлича ўйин кўрсатмаяпти, шунинг учун ҳам жамоа Премьер-лига ва Чемпионлар лигасида ғалаба учун кураша олмайди.

Унда имконият бор эди, лекин энди улар ярим ҳимояни қуришлари ва энг яхши футболчиларни олиб келишлари керак.

Жароҳат унинг учун муаммо эди, шунинг учун нима учун жароҳати бор футболчига янги шартнома таклиф қилишаётганини билмайман.

Ноябрь ойи ўрталарига қадар формасини тиклай олмайдиган ўйинчини Чемпионлар лигаси учун рўйхатдан ўтказиш мантиққа тўғри келмайди", - деди Агбонлахор.