Ярим ҳимоячи Гави яқин орада "Барселона" билан шартномасини узайтириши кутилмоқда. Томонлар янги шартнома шартларини келишиб олдилар, деб хабар беради Marca.
Испания терма жамоаси футболчисининг каталонияликлар билан амалдаги шартномаси 2023 йилнинг ёзига қадар тузилган.
Аввалроқ Каталония клуби 18 ёшли испаниялик футболчига 5 йилга янги шартнома таклиф қилгани ҳақида хабар берилганди. Агар у шартнома имзоласа, Гавининг товон пули миқдори 1 миллиард еврони ташкил қилади.
Гавига Англиянинг “Манчестер Юнайтед”, “Челси” ва “Ливерпуль”, Германиянинг “Бавария”, Италиянинг “Ювентус” ва Франциянинг “ПСЖ” клублари қизиқиш билдирмоқда. Бундай катта рўйхатга қарамай, футболчи "Барселона"да қолиш фикридан қайтмади.
