"ПСЖ" дарвозабони Жанлуижи Доннарумма Франция чемпионатининг 7-тури доирасидаги уй учрашувида "Брест" устидан қозонилган минимал галаба ҳақида фикр билдирди. Парижликлар 1:0 ҳисобида ғалаба қозонишди, бразилиялик ҳужумчи Неймар ягона гол муаллифи бўлди.
“Ҳақиқатан ҳам қийин ўйин бўлди. Чемпионлар лигасидан кейин ғалаба қозониш биз учун муҳим эди ва биз буни уддалай олдик. Мухлисларимизни хурсанд қила олганимиздан хурсандмиз. Биргаликда бардош бера олиш муҳимдир. "ПСЖ" ўзини ҳақиқий жамоа сифатида кўрсатди", - дея хабар беради клуб матбуот хизмати италиялик дарвозабоннинг сўзларини.
Етти тур якунларига кўра, Кристоф Галтье шогирдлари 19 очко билан Лига 1 турнир жадвалида биринчи ўринни эгаллаб турибди.
