"Ювентус" А Серия 6-турида "Салернитана"ни қабул қилмоқда.
Массимилиано Аллегри шогирдлари биринчи бўлимдан кейин 0:2 ҳисобида ортда бораётганди. Дастлаб, 4-дақиқада Кшиштоф Пёнтек пенальтидан гол урган бўлса, 17-дақиқада Антонио Кандрева орадаги фарқни иккитага етказди.
"Бьянконерилар" 2004 йилнинг 25 апрелидан буён илк бор А Сериядаги уй учрашувининг биринчи таймида иккита гол фарқи билан мағлуб бўлишди – ўшанда туринликлар Марчелло Липпи бошчилигидаги “Лечче”га биринчи бўлимда 1:3 ҳисобида енгилишганди. Охир-оқибат учрашув ҳам “Юве”нинг 3:4 ҳисобидаги мағлубияти билан якунланган.
