Дортмунднинг "Боруссия" клуби ярим ҳимоячиси Жуд Беллингем келаси ёзда икки жамоа ўртасида танловга дуч келади. The Athletic нашри хабарига кўра, ярим ҳимоячини "Ливерпуль" ва "Реал" сотиб олмоқчи.
Эслатиб ўтамиз, шу ёзда Беллингем Дортмунднинг "Боруссия"сини тарк этишдан бош тортганди, аммо инглиз футболчиси бир йилдан кейин кетиши эҳтимоли катта. Унга асосий даъвогарлар "Ливерпуль" ва "Реал" бўлади. Улар футболчини узоқ йиллар давомида тайёр топ-футболчи сифатида кўришади.
Беллингем 2020 йилнинг ёзида "Бирмингем"дан Дортмунднинг "Боруссия" жамоасига кўчиб ўтганди. Ярим ҳимоячи энди атиги 19 ёшда.
