Мадриднинг “Атлетико” клуби ҳужумчиси Антуан Гризманн жамоадаги позицияси ҳақида фикр билдирди.
Эслатиб ўтамиз, "матрасчилар" франциялик футболчини "Барселона"дан доимий равишда сотиб олмоқчи эмас. Сотиб олиш варианти мажбурий бўлиб қолмаслиги учун Гризманн 60-дақиқадан олдин майдонга тушмайди.
"Атлетико"даги иштирокимдан баъзилар норози эканини тушунаман. Бироқ, мен нарсаларни ўзгартириш учун 100 фоиз ишлаяпман. Мен одамлардан яна мени севишларини истайман", — деди Гризманн Prime Video билан суҳбатда.
Янги мавсумда Гризманн барча мусобақаларда олтита учрашувда учта гол урди. Бу ўйинларнинг барчасида франциялик футболчи захирадан майдонга тушди.
