"Ливерпуль" "Барселона" ярим ҳимоячиси Гавига қизиқишда давом этмоқда, аммо 18 ёшли вундеркинд яқин орада испан жамоаси билан янги шартнома имзолаши керак. Бу ҳақда Daily Express нашри хабар бермоқда.
18 ёшли Гави "Барселона" тарбияланувчиси ҳисобланади. Умуман олганда, ярим ҳимоячи биринчи жамоа учун 53 ўйинда иккита гол урди ва олтита голли узатмани амалга оширди. Томонлар ўртасидаги келишув жорий мавсум охирида тугайди, аммо яқин вақт ичида уни узайтириш керак. Шартноманинг кечикишига футболчининг август ойи бошидагина 18 ёшга тўлганлиги сабаб бўлган.
