"Барселона", "Атлетико Мадрид" ва Туркия терма жамоасининг 35 ёшли собиқ ярим ҳимоячиси Арда Туран профессионал футболдаги фаолиятини якунлаганини эълон қилди.

Туран ижтимоий тармоқдаги саҳифасида "Бу осон эмас, лекин чиройли бўлди" деб ёзди.

Эслатиб ўтамиз, Туран футболчилик фаолияти давомида "Галатасарой", "Атлетико", "Барселона" ва бошқа клубларда ўйнаган. Шунингдек, ярим ҳимоячи Туркия терма жамоаси сафида 100та ўйин ўтказиб, 16та гол урган. Клублар миқёсида Туран 14 та соврин, жумладан УЕФА Суперкубоги, Испания кубоги ва Суперкубоги, Европа лигаси кубоги ва бошқа совринларни қўлга киритган. Туркия терма жамоаси таркибида футболчи Ўрта ер денгизи ўйинларининг кумуш медали (2005) ва Европа чемпионатининг бронза медали совриндори бўлган (2008).