"Бавария" бош мураббийи Юлиан Нагельсманн Мюнхен клуби собиқ ҳужумчиси Роберт Левандовски ўйнаётган Чемпионлар лигаси гуруҳ босқичи 2-турида "Барселона" билан бўлажак ўйин ҳақида гапирди.
"Агар эртага Левандовскини кўрсам, у билан қўл беришиб кўришаман. Мухлислар ҳам уни кутиб олишса хурсанд бўламан. У клубга борини берган. Шундай бўлиши керак. У рақибнинг энг хавфли футболчиси ёки йўқлигини билмайман, аммо ишончим комилки, у бизнинг мақсадимизга асосий хавф туғдиради. Аммо, агар у тўпга эга бўлмаса, унга гол уриш қийинроқ бўлади", - дея Нагельсманнинг сўзларини келтиради УЕФА расмий сайти.
"Бавария" - "Барселона" ўйини 13 сентябрь сешанба куни бўлиб ўтади. Учрашув "Аллианз Арена" стадионида бўлиб ўтади.
