"Ливерпуль" "Лейпциг" ярим ҳимоячиси Конрад Лаймерга қизиқиш билдирмоқда, дея хабар беради журналист Фабрицио Романо.
25 ёшли австрияликнинг немис жамоаси билан шартномаси келаси ёзда тугайди, шунинг учун қишда инглизлар у билан расмий музокаралар олиб боришлари мумкин бўлади.
Ушбу трансфер ойнасида "Бавария" футболчини сотиб олишни жуда хоҳлади, аммо "Лейпциг" ярим ҳимоячини Мюнхенга қўйиб юбормади.
Олдинроқ мюнхенликлар футболчи билан шартнома шартлари бўйича келишиб олгани маълум бўлганди, аммо "Бавария" ярим ҳимоячи учун талаб қилинадиган 30 миллион еврони тўламоқчи эмас.
Лаймер ўтган мавсумда "Лейпциг" сафида 41 ўйинда майдонга тушиб, 5 гол ва 6 голга ассистентлик қилган.
