Яқинда Лондоннинг "Челси" клуби бош мураббийлигидан бўшатилган германиялик мутахассис Томас Тухель келажакда Испания чемпионатида иш бошлаши мумкин. The Athletic нашри хабарига кўра, унинг хизматларига "Реал" қизиқиш билдирмоқда.
Манбага маълум бўлишича, Тухель италиялик Карло Анчелоттининг вориси сифатида кўрилмоқда. “Папа Карло” шартномасини янгиламаслиги ва фаолиятини якунлаши кутилмоқда.
Тухель мавсумни ёмон бошлаганидан сўнг "Челси"дан ишдан бўшатилди. Унинг қўл остидаги сўнгги ўйинда "кўклар" Чемпионлар лигасида Загребнинг "Динамо" жамоасига имкониятни бой беришди (0:1).
