Италия терма жамоасининг собиқ ҳужумчиси Антонио Кассано яқинда А Серия ўйинида юз берган шов-шувли воқеа ҳақида гапирди.
Якшанба куни "Ювентус" ўз майдонида "Салернитана"ни қабул қилди. Қўшиб берилган вақтда Туринликлар ғалаба тўпини киритди, бироқ ҳакамнинг хатоси туфайли гол бекор қилинди. Учрашув 2:2 ҳисобида ўз якунига етди.
"Ҳозир ҳамма ВАР ва ҳакам томонидан қабул қилинган қарорни муҳокама қилмоқда, бироқ биз "Ювентус"ни ўйиннинг 95 дақиқаси давомида қанчалик ёмон бўлганини унутмаслигимиз керак. "Салернитана"га иккита гол уриб, очко қўлга киритгани учун катта ҳурмат, аммо бундай рақиб билан дуэлда сиз "Ювентус"дан бутунлай бошқача ўйин кутасиз, айниқса ўз майдонинида. Аммо ҳозир биз фақат ВАРни муҳокама қилмоқдамиз, Аллегрини ҳимоя қиляпмиз ва унинг жамоасининг шармандали ўйинини унутяпмиз", - деди Кассано ТМW билан суҳбатда.
