Манба берган хабарга кўра, ёзги трансфер ойнасининг сўнгги кунларида "Ливерпуль" "Реал" ярим ҳимоячиси Федерико Вальвердени ўз сафига қўшиб олиши мумкин эди.
"Қизиллар" ўрта чизиқни кучайтиришга астойдил ҳаракат қилди ва якунда "Ювентус"клубидан ижарага олинган Артур Мелони танлади. Бразилиялик футболчини таклиф қилишдан олдин, "Ливерпуль" янада юқори даражадаги келишувни амалга ошириши мумкин эди. Diario AS хабарига кўра, ёзги трансфер ойнаси ёпилишига икки кун қолганда "Ливерпуль" "Реал" билан боғланиб, Федерико Вальверде учун 100 миллион евро таклиф қилди, аммо "қаймоқранглилар" уругвайлик футболчини қўйиб юбормади.
"Ливерпул"нинг бугунги кундаги энг қиммат хариди 2018 йилнинг январида "Саутгемптон"дан 84,6 миллион еврога сотиб олинган Виржил ван Дейк бўлди.
