Лондоннинг "Тоттенхэм" клуби ҳужумчиси Харри Кейн келаси ёзда клубини ўзгартиришга ва "Бавария"га ўтишга қарши эмас.
Инсайдер Флориан Плеттенбергнинг сўзларига кўра, 29 ёшли футболчи келаси ёзги трансфер ойнасида ҳамон мюнхенликлар учун асосий мақсад бўлиб қолмоқда, гарчи яқинда "Бавария" Кейнга қизиқиш ҳақидаги миш-мишларни инкор этишган бўлса ҳам. Қайд этиш жоизки, ҳужумчининг ўзи “Бавария”га кўчиб ўтишга қарши эмас, у ерда Кейн доимий равишда совринлар ютиб, Чемпионлар лигасида ўйнай олади.
Эслатиб ўтамиз, жорий мавсумда Харри Кейн "шпорлар" таркибида Англия чемпионатида олтита ўйин ўтказиб, бешта гол урди.
