"ПСЖ"нинг икки юлдузли ҳужумчиси Килиан Мбаппе ва Неймар ўртасидаги можаро, матбуотдаги барча миш-мишларга қарамай, ҳали якунига етгани йўқ.
Goal.com нашрининг ёзишича, парижликлар жамоасининг кийиниш хонасидаги муҳит ҳозирда яхши эмас. Бразилиялик ҳужумчи ҳамон Мбаппе билан можароси оммага айланганидан норози. Неймар ҳам франциялик футболчи майдонда ва унинг ташқарисида ўзини худбинлик билан тутади деб ҳисобламоқда, аммо Килиан ҳозирча узр сўраш ниятида эмас.
Эслатиб ўтамиз, бош мураббий Кристофф Галтье ва “ПСЖ” раҳбарлари футболчилардан ҳеч бўлмаганда камералар олдида ўзларини дўстона тутишларини сўрашган.
Бунгача Мбаппе парижликлар жамоасининг жорий мавсум учун доимий пенальти тепувчиси этиб тайинлангани сабабли футболчилар ўртасида можаро келиб чиққанди.
