"Бавария"нинг сенегаллик ҳимоячиси Буна Сарр Қатарда бўлиб ўтадиган ЖЧ-2022да терма жамоасига ёрдам бермайди.
Lequipe нашрининг хабар беришича, 30 ёшли африкалик футболчи тез орада жароҳат олган тиззасидан операция қилинади. Операция туфайли футболчи Жаҳон чемпионатига тайёргарлик кўришга улгурмайди.
Эслатиб ўтамиз, Сарр жорий мавсум мюнхенликлар сафида бирорта ҳам ўйин ўтказмаган.
2022 йилги жаҳон чемпионати шу йилнинг 20 ноябридан 18 декабрига қадар бўлиб ўтади. Сенегал терма жамоаси Нидерландия, Эквадор ва Қатар терма жамоалари билан бир гуруҳда ўйнайди.
