"Болонья" ҳужумчиси Марко Арнаутович жорий мавсум ўзининг юқори ўйини билан ажралиб турибди. Австриялик ҳужумчи “қизил-кўклар” сафида 6 та ўйинда 6 та гол урди.
Ёзда "Манчестер Юнайтед" Маркога қизиқиш билдирганди, аммо келишув амалга ошмади. Ўз навбатида, "қизил иблислар" мухлислари Арнаутовичнинг "Олд Траффорд"га ўтмаганидан афсуслана бошлашди.
“Манчестер Юнайтед” Марко билан шартнома имзоламай хатога йўл қўйди”, — деб ёзди ижтимоий тармоқларда мухлислардан бири.
"Юнайтед" Арнаутовични сотиб олиши керак эди. У "Болонья" таркибида жуда зўр", деб пост қолдирди яна бир мухлис.
Ёзда "Болонья" австриялик футболчини тўққиз миллион евро эвазига "Манчестер Юнайтед"га сотишдан бош тортган эди. Шундан сўнг "манкунианликлар" музокараларни якунлашганди.
