"Bolonya" hujumchisi Marko Arnautovich joriy mavsum o‘zining yuqori o‘yini bilan ajralib turibdi. Avstriyalik hujumchi “qizil-ko‘klar” safida 6 ta o‘yinda 6 ta gol urdi.

Yozda "Manchester Yunayted" Markoga qiziqish bildirgandi, ammo kelishuv amalga oshmadi. O‘z navbatida, "qizil iblislar" muxlislari Arnautovichning "Old Trafford"ga o‘tmaganidan afsuslana boshlashdi.

“Manchester Yunayted” Marko bilan shartnoma imzolamay xatoga yo‘l qo‘ydi”, — deb yozdi ijtimoiy tarmoqlarda muxlislardan biri.

"Yunayted" Arnautovichni sotib olishi kerak edi. U "Bolonya" tarkibida juda zo‘r", deb post qoldirdi yana bir muxlis.

Yozda "Bolonya" avstriyalik futbolchini to‘qqiz million yevro evaziga "Manchester Yunayted"ga sotishdan bosh tortgan edi. Shundan so‘ng "mankunianliklar" muzokaralarni yakunlashgandi.