Ҳасан Салиҳамиджич "Бавария" нима учун Роберт Левандовски билан шартномани узайтирмаганини тушунтирди.

“Биз у билан янги шартнома имзоламоқчи эдик, лекин у буни истамади. Шундай қилиб, биз уни 2023 йилда бепул қўйиб юборишдан кўра сотиш яхшироқ деб қарор қилдик. "Барса" ажойиб таркибни жамлади, лекин бизда қоидалар бор: биз 30 ёшдан ошган футболчиларга бир мавсумдан ортиқ шартнома таклиф қилмаймиз.

Биз хато қилдикми, билмайман. "Бавария" 34 ёшли футболчига бундай юқори маош билан 4 йиллик шартнома беришни истамади. Бу бизнинг стратегиямиз. Бизда бундай пул йўқ. Молиявий нуқтаи назардан бу мумкин эмас эди ва "Бавария" ҳам Европада бу борада истисно эмас.

Мадриднинг “Реал” клуби Модрич билан шартномани йилдан-йилга узайтирмоқда. Шунинг учун биз Левандовскига: “Келинг, шартномани бир йилга узайтирамиз”, дедик. Лекин мен 34 ёшда 4 йилга шартнома имзолаш имконияти ажойиб имконият эканлигини тушунаман.

Левандовски бизга шампан берди ва биз дўстона муносабатда хайрлашдик. У ҳамиша "Бавария" ҳақида ижобий гапиради, худди биз у ҳақида гапирганимиз каби", - деди Мюнхен клуби спорт директори El Pais нашрига берган интервьюсида.