"Челси" ярим ҳимоячиси Жоржиньо Томас Тухелнинг истеъфосидан афсусда.
Немис мутахассиси Загребнинг “Динамо”сига мағлуб бўлгач, ишдан бўшатилди. Лондонликлар бўлажак ўйинни “Ред Булл Зальцбург”га қарши янги мураббий – Грэм Поттер қўл остида ўтказади.
“Биз экстремал чоралардан қочиш учун ҳамма нарсани қилишга ҳаракат қилдик, аммо, афсуски, нимадир ишламай қолди.
Энди ишончни тиклашимиз керак. Албатта, собиқ устозимизнинг ишдан бўшатилишида ўзимизни масъулиятли ҳис қиламиз. Натижа учун бир киши эмас, барчамиз жавобгармиз”, - дейди италиялик ярим ҳимоячи.













