Итальян муҳожирлари энг кўп яшайдиган Германиянинг Вольфсбург шаҳрида Евро-2012 ярим финалида Германия ва Италия терма жамоалари ўйинидан сўнг ишқибозлар ўртасида муштлашув келиб чиқди.
Италия матбуоти тарқатган хабарга кўра, мағлубиятга чидай олмаган 800га яқин немис ёшлари 600га яқин итальян ишқибозларига ҳужум қилган. Полициянинг моҳирона ҳаракатлари жиддий тўқнашув келиб чиқишига йўл қўймади.
Муштлашувдан сўнг шифохонага 13 киши тиббий ёрдам сўраб мурожаат қилган, улардан бири полициячи. 27 киши қўлган олинган ва улардан 18 киши ҳибсга олинган.
