"Интер" бош мураббийи Симоне Индзаги "Виктория Пльзень"га қарши сафар учрашуви натижаларини сарҳисоб қилди.

Миланликлар Чемпионлар лигаси гуруҳ босқичининг 2-турида 2:0 ҳисобида зафар қучди.

“Йигитлар яхши ўйин ўтказишди, бу жуда қийин бўлди. Бунгача бу ерда ҳеч бир Италия жамоаси ғалаба қозонмаганди. Мен тоза ва ихчам жамоани кўрдим. Ҳар бир учрашувда қийин лаҳзалар бўлади. Бугун жамоам яхши ҳаракат қилиб, гол ўтказиб юбормади.

Биламизки, якшанба куни бизни ажойиб ўйинчиларга эга кучли рақиб билан ўйин кутиб олади (“Интер” “Удинезе” билан ўйнайди). Тайёрланишимиз учун 4 кун вақтимиз бор, буни энг яхши тарзда бажаришга ҳаракат қиламиз”, - деди Индзаги.