Хави "Бавария" дарвозасига белгиланмаган пенальти билан боғлиқ вазиятга изоҳ берди.
"Барселона" Чемпионлар лигаси гуруҳ босқичининг 2-турида 0:2 ҳисобида мағлуб бўлди.
Биринчи бўлимда 0:0 ҳисоби бўлаётган вазиятда “Бавария” ҳимоячиси Альфонсо Дэвис жарима майдончаси ичида каталонияликлар вингери Усмон Дембелени йиқитган эди.
Франциялик футболчи майдонга қулади, аммо нидерландиялик ҳакам Данни Маккели пенальти белгиламади, ВАР хонасидан ҳам вазият ҳақида маълумот келмади.
“Ҳамма менга Дембеле билан содир бўлган вазиятда пенальти бўлганини айтади. Лекин бошқа ҳеч нарса йўқ. Учрашув кескин ўтди. Мен ҳеч қачон ҳакам ҳақида гапирмайман. Ўйлайманки, биз жуда яхши ўйин ўтказдик”, - деди Каталония клуби бош мураббийи.
