"Ливерпуль" устози Юрген Клопп "Челси" эгаси Тодд Бёлининг АПЛга киритган таклифига муносабат билдирди.
"Ҳа, у ортиқ кута олмайди. Ажойиб, шу шоуни куни белгиланса, мениям чақириш эсдан чиқмасин", - дея истеҳзо қилади немис мутахассиси.
Клопп сўзида давом этар экан, жумладан шундай деди: "Аммо у Америкадаги катта спорт мавсумини унутиб қўйди. Америкада спортчиларга дам олиш учун 4 ой вақт берилади. Улар эса бундан бахтиёр. Футболда мутлақо бошқача. Яна нима ҳам деярдим? Сўраб кўрингчи, у бу ерга "Гарлем Глобтроттерс"ни (саҳнавий-кўргазма чиқишларини уйиштирувчи баскетбол жамоаси) ҳам олиб келиб, футболчиларга қарши ўйнатмасмикин?".
Аввалроқ Тодд Бёли АПЛга Англиянинг шимоли ва жанубидаги клублар иккита терма жамоаси тузиб, бир-бирига қарши ўйнатиши ҳақида таклиф берганди.
