"Liverpul" ustozi Yurgen Klopp "Chelsi" egasi Todd Byolining APLga kiritgan taklifiga munosabat bildirdi.
"Ha, u ortiq kuta olmaydi. Ajoyib, shu shouni kuni belgilansa, meniyam chaqirish esdan chiqmasin", - deya istehzo qiladi nemis mutaxassisi.
Klopp so‘zida davom etar ekan, jumladan shunday dedi: "Ammo u Amerikadagi katta sport mavsumini unutib qo‘ydi. Amerikada sportchilarga dam olish uchun 4 oy vaqt beriladi. Ular esa bundan baxtiyor. Futbolda mutlaqo boshqacha. Yana nima ham deyardim? So‘rab ko‘ringchi, u bu yerga "Garlem Globtrotters"ni (sahnaviy-ko‘rgazma chiqishlarini uyishtiruvchi basketbol jamoasi) ham olib kelib, futbolchilarga qarshi o‘ynatmasmikin?".
Avvalroq Todd Byoli APLga Angliyaning shimoli va janubidagi klublar ikkita terma jamoasi tuzib, bir-biriga qarshi o‘ynatishi haqida taklif bergandi.
