Мюнхеннинг “Бавария” клуби ҳужумчиси Садио Мане жамоасининг Европа Чемпионлар лигаси гуруҳ босқичида “Барселона”га қарши ўйиндаги ғалабаси ҳақида фикр билдирди.
Эслатиб ўтамиз, Юлиан Нагельсманн шогирдлари рақибларини 2:0 ҳисобида мағлуб этди.
"Мен деярли бутун умрим давомида чап қанотда ўйнадим, шунинг учун бу мен учун муаммо эмас эди. Албатта, мен яхшироқ ўйнай оламан, бу ҳақда биламан", - деди Мане ўйиндан кейин берган интервьюсида.
Бундеслиганинг янги мавсумида Мане учта гол урди. Ҳужумчи ёзда "Ливерпул"дан 50 миллион евро эвазига "Бавария"га ўтган эди.
“Бавария” навбатдаги учрашувини Германия Бундеслигасининг навбатдаги тури доирасида “Аугбсург”га қарши сафарда ўтказади.
