"Манчестер Сити"нинг собиқ футболчиси, ҳозирда "Реал Сосьедад" жамоасида ўйнаётган ярим ҳимоячиси Давид Сильва ҳужумчи Эрлинг Холанднинг ўйинлари ҳақида фикр билдирди. Норвегиялик футболчи янги мавсумда барча мусобақаларда 7 та учрашувда 12 та гол урди.
“Холанд кўп гол уради, бу жамоа учун фойдали, албатта. Жамоа қийналаётган ўйинларда гол уради. У туғма тўпурар, буни унинг олдинги клубларида ҳам кўрганмиз. Ишончим комилки, Эрлинг "Манчестер Сити"да янада яхшироқ ўйнайди", - деди испаниялик футболчи "Манчестер Сити" расмий сайтига.
Холанд бугун тунда Чемпионлар лигасида собиқ жамоаси - Дортмунднинг "Боруссия"сига қарши ўйнайди.
