"Арсенал"нинг собиқ бош мураббийи Арсен Венгер жамоанинг жорий мавсумдаги истиқболлари ҳақида гапирди.
"Арсенал" айни дамда АПЛ турнир жадвалида 6 турдан кейин 15 очко билан пешқадамлик қилмоқда.
"Мен "Арсенал" тўғри йўналишда кетаётганини айтган бўлардим. Менимча, уларда ҳозир заиф позициялар йўқ. Уларнинг рўйхатида ёш, истиқболли ўйинчилар бор ва бу йил трансфер бозорида яхши иш қилишди.
Илгари "Арсенал" доимий равишда кучли тўртликдан жой эгаллаган. Ҳаттоки, чемпионлик учун кураша олишларини ҳам инкор этиб бўлмайди. Умид қиламанки, улар муваффақиятга эришадилар”, - деди Венгер Goal.com портали билан суҳбатда.
