Криштиану Роналду сўзсиз дунёнинг энг яхши футболчиларидан бири. У шунчаки машина. Кришни "терминатор"га ҳам қиёслашади. Буниси ҳам тўғри. Аммо ушбу мавсум старти Роналдуга омадсиз бошланди. Бунга сабаб жамоадаги унинг ўрни ва кетиш истагида умуман қатнашилмаган машқлар эканлиги айтилмоқда. Ростан ҳам ушбу мавсум Криш учун омадсиз ўтмоқда.
Ишониш қийин, аммо мавсумнинг дастлабки еттита учрашувида Криштиану бирорта ҳам гол ура олмади ва бирорта ҳам голда иштирок эта олмади.
"Манчестер Юнайтед"нинг иккита ўйинида, Роналду стартда майдонга тушганида, жамоа бирорта ҳам гол ура олмади. У захира ўриндиғида қолганида "қизил иблислар" голларни қалаштириб ташламасада реализацияда яхши натижа кўрсатмоқда.
Кетма-кет тўртта ўйин давомида Криштиану биринчи дақиқалардан асосий таркибда тушмади ва бу бежиз эмасдек кўринмоқда. Португалиялик супер юлдуз асосий таркибда тушган ўйинларда "МЮ" очко ёқотмоқда.
Ўтган пайшанба куни Роналду илк бор Европа лигасида ўйнади (аввалги сафар УЕФА кубогида эди). Учрашув давомида у тўрт марта офсайдда қолди. Бошқа футболчиларда умуман ўйиндан узилиб қолиш кузатилмаган.
Ушбу учрашувда Криштиану гол киритди, аммо у ҳисобланмади - сабаб эса, яна ўша оффсайд. Роналду жарима зарбаси орқали статистикани яхшилаши мумкин эди, лекин тўпни жонли девордан ўтказа олмади.
Whoscored портали Криштиануни "Реал Сосьедад"га қарши ўйиннинг энг ёмон футболчиси деб топди, унинг ўйинига 5,83/10 балл берилди.
Келажакда Криштианунинг позицияси ўзгарадими, буни вақт кўрсатади. Агар португалиялик футболчи ўзини кўрсата олмаса, омадсиз старт омадсиз мавсумга айланиши мумкин.
М.Пардабоев таржимаси
