Krishtianu Ronaldu so‘zsiz dunyoning eng yaxshi futbolchilaridan biri. U shunchaki mashina. Krishni "terminator"ga ham qiyoslashadi. Bunisi ham to‘g‘ri. Ammo ushbu mavsum starti Ronalduga omadsiz boshlandi. Bunga sabab jamoadagi uning o‘rni va ketish istagida umuman qatnashilmagan mashqlar ekanligi aytilmoqda. Rostan ham ushbu mavsum Krish uchun omadsiz o‘tmoqda. 

Ishonish qiyin, ammo mavsumning dastlabki yettita uchrashuvida Krishtianu birorta ham gol ura olmadi va birorta ham golda ishtirok eta olmadi.

"Manchester Yunayted"ning ikkita o‘yinida, Ronaldu startda maydonga tushganida, jamoa birorta ham gol ura olmadi. U zaxira o‘rindig‘ida qolganida "qizil iblislar" gollarni qalashtirib tashlamasada realizasiyada yaxshi natija ko‘rsatmoqda. 

Ketma-ket to‘rtta o‘yin davomida Krishtianu birinchi daqiqalardan asosiy tarkibda tushmadi va bu bejiz emasdek ko‘rinmoqda. Portugaliyalik super yulduz asosiy tarkibda tushgan o‘yinlarda "MYU" ochko yoqotmoqda. 

O‘tgan payshanba kuni Ronaldu ilk bor Yevropa ligasida o‘ynadi (avvalgi safar UYEFA kubogida edi). Uchrashuv davomida u to‘rt marta ofsaydda qoldi. Boshqa futbolchilarda umuman o‘yindan uzilib qolish kuzatilmagan. 

Ushbu uchrashuvda Krishtianu gol kiritdi, ammo u hisoblanmadi - sabab esa, yana o‘sha offsayd. Ronaldu jarima zarbasi orqali statistikani yaxshilashi mumkin edi, lekin to‘pni jonli devordan o‘tkaza olmadi. 

Whoscored portali Krishtianuni "Real Sosyedad"ga qarshi o‘yinning eng yomon futbolchisi deb topdi, uning o‘yiniga 5,83/10 ball berildi.

Kelajakda Krishtianuning pozisiyasi o‘zgaradimi, buni vaqt ko‘rsatadi. Agar portugaliyalik futbolchi o‘zini ko‘rsata olmasa, omadsiz start omadsiz mavsumga aylanishi mumkin. 

M.Pardaboyev tarjimasi