"Челси" марказий ҳужумчиси Пьер-Эмерик Обамеянг Чемпионлар лигаси гуруҳ босқичи 2-турида Австриянинг "Зальцбург" клубига қарши ўйин натижаси ҳақида фикр билдирди. Учрашув 1:1 ҳисобида дуранг билан якунланди.
"Ўйин натижасидан бироз хафа бўлдим. "Челси" яхши ўйин кўрсатди, биз кўпроқ гол уришимиз керак эди, аммо якунда 1:1 ҳисобида дуранг ўйнадик. Бироз ачинарли, лекин биз максимал даражага қайтишга ҳаракат қиламиз. Ҳали яхши кунлар олдинда", - деди футболчи АS нашрига.
Эслатиб ўтамиз, Обамеянг ёзги трансфер ойнасида "Барселона"дан "Челси"га ўтган эди.
