Чемпионлар лигаси гуруҳ босқичининг 2-турида Англиянинг “Манчестер Сити” жамоаси Дортмунднинг “Боруссия”сига қарши омадсиз ўйинда вазиятни ўзгартириб, яна уч очкони қўлга киритди. Учрашувдан кейин Эрлинг Холанд учрашув ҳақидаги фикрлари билан ўртоқлашди.
"Якунда кимлигимиз ва қандай ўйнашимизни кўрсатдик. Иккинчи бўлимнинг иккинчи ярмида кўрсатган ўйинимиздан фахрланаман. Канселудан ажойиб тўп узатиш бўлди. Жуда муҳим ғалаба. Собиқ жамоадошларимни кўриш жуда ёқимли бўлди. Улар яхши ўйнашди, лекин мен гол урдим, демак, улар мени тўхтата олишмади" - деди Холанл BT Sport билан суҳбатда.
