"Брайтон" ярим ҳимоячиси Мойзес Кайседо бош мураббий Грэм Поттернинг "Челси"га кетганидан хафа бўлди. Эслатиб ўтамиз, англиялик мутахассис ўтган ҳафта ишдан бўшатилган Томас Тухелнинг ўрнини эгаллади.
“Поттернинг “Челси”га ўтганидан афсусдаман. Унинг қўл остида мен тезда ўсдим, аммо бу футбол. Мен унга фақат раҳмат айтишим мумкин", - деди Эквадор терма жамоаси футболчиси Evening Standard билан суҳбатда.
Эслатиб ўтамиз, Кайседога кўплаб инглиз топ-клублари қизиқиш билдирган. Эквадорлик футболчини "Арсенал", "Манчестер Юнайтед" ва "Ливерпуль" каби клублар қўлга киритмоқчи эди.
Жорий мавсумда Мойзес Англия Премьер-лигасида битта гол урди.
