Суперлига 19-турида "Олимпик" ўз майдонида "Бунёдкор"ни қабул қилиб, 1:1 ҳисобида дуранг ўйнади.

Францис Нарх 45+2-дақиқада пенальтидан киритган гол эвазига "қалдирғочлар"ни ҳисобда олдинга олиб чиққан эди.

Иккинчи бўлим бошида Суҳроб Иззатов иккинчи сариқ карточкани олиб майдонни тарк этди. Сон бўйича устунликдан "Олимпик" 90-дақиқага келиб фойдаланди. Гол муаллифи - Муҳаммадқодир Ҳамралиев. Якуний ҳисоб - 1:1.

Ушбу дурангдан сўнг "олимпиячилар" ҳисобидаги очколар 23 тага етди. Улар 7-ўринда. "Бунёдкор" эса рақибидан 2 очко кам тўплаган ҳолда 8-поғонага жойлашган.

Суперлига. 19-тур

“ОЛИМПИК” — “БУНЁДКОР” - 1:1

Голлар: Францис Нарх, 45+1-пенальтидан - 0:1. Муҳаммадқодир Ҳамралиев, 90 - 1:1.